Недовршениот роман на Џејн Остин продаден за вртоглави милиони фунти...

Недовршениот роман на Џејн Остин кој никогаш не бил објавен, продаден е за милиони фунти (повеќе од 70 милиони денари). Покојната британска писателка наводно не го довршила романот наречен The Watsons (Вотсонови) поради семејна трагедија. Дејството во романот се темели на приказна за две сестри, ќерки на вдовец кои сакаат добро да се омажат. Единствениот примерок од романот што постои е пишуван со рака, а бил во сопственост на еден од потомците на Џејн Остин.

Романот е продаден на укција во Sotheby'su, а анонимниот купувач платил три пати повеќе од почетната цена. На ракописот му недостасувале првите 12 страници, кои се продадени за време на Првата светска војна за да се соберат пари за Црвен крст и сега се во книжарница во Њујорк. Се верува дека писателката престанала да работи на романот кога умрел татко и.