Во Facebook почнуваат да се грижат: Google+ веќе има околу 10 милиони корисници...
Време е Facebook да почне да се плаши од Google+. Новата социјална мрежа, според некои проценки, веќе има околу 10 милиони корисници. Тоа е мизерна бројка спрема 750 милиони корисници кои ги има Facebook, но при тоа треба да се има на ум дека Google+ - се уште не е лансиран официјално!
На социјалната мрежа на Google, имено, моментално не може да се регистрира било кој. Потребна ви е покана од некој кој веќе е член. Целиот проект се уште е во фаза на тестирање и секој ден се унапредува. Дури кога и последните bug-ови ќе бидат изчистени до крај, Google+ ќе биде отворен за исте корисници на интернет.
Но, веќе сега е сосема јасно дека најраширената социјална мрежа доби повеќе отколку сериозна конкуренција. Google+, во речиси секој поглед, е понапреден од Facebook. Основниот концепт е многу случен, доволно сличен што преминот од Facebook на Google+ поминува без никакви проблеми. Но, овде се и многу иновации кои Facebook ги нема.
Првата и најчесто споменувана иновација се Circles (круговите). Google+, за разлика од Facebook, ви овозможува својата социјална мрежа да ја уредите во Кругови, односно групи или своевидни категории. Уште на самиот почеток, ќе добиете четири default категории: Friends (пријатели), Acquaintances (познаници), Family (семејство) и Following (оние кои ги следите). Се разбира, круговите секогаш можете да ги додавате и бришете.
На вас е да одлучите дали сакате нешто да поделите само со одреден Круг или со сите личности кои ве следат, односно ве имаат вас во некој од своите кругови.
Понатаму, Google+ ви нуди и опција која се вика Sparks (искри), а која ви овозможува едноставно и прегледно следење на најновите вести од секторот кој ве интересира.
Овде е и опцијата Hangouts (дружења), која добива се повеќе наклонетост, а која ви овозможува групни видео chat-ови со своите пријатели.
Се до сега Facebook и Тwitter беа доминантното дуо во социјалните мрежи. Но, новата услуга на Google е предобра за да може да се игнорира.
