Уапсените се осомничени за измама вредна 20 милиони долари, а најмногу лажна роба им продале на купувачите од САД...

Романската полиција уапсила 90 осомничени за измама при интернет купување. Уапсените се осомничени за измама вредна 20 милиони долари, а најмногу лажна роба им продале на купувачите од САД.

За својата измама ги користеле интернетските портали eBay и Craiglist, а стотина жртви им уплатиле пари за автомобили, мотори, бродови и разна електроника која никогаш не им била испорачана. Осомничените користеле лажни идентитети за уплатените пари да ги префрлат на сметките во Романија, а се осомничени и за здружување во криминална организација.

Обидувајќи се да ги откријат измамниците, романската полиција пребарала 110 домови во девет романски градови, а според првите извештаи измамени се најмалку 1000 купувачи.