Изгледа дека Џорџ Клуни ќе продолжи со заведувањето, холивудскиот заводник е повторно соло...

За главната причина за раскинувањето со екс-борачката, само се шпекулира, бидејќи двојката ништо не изјави за медиумите.

Според списанието Extra, Стејси Кејблер прифатила работа како водителка во во новото американско шоу „Supermarket Superstar“, кое ќе оди во живо. Би требало да започне да се прикажува кон крајот на овој месец.



„Озборувачките“ списанија пишуваат дека двојката наводно прекинала бидејќи Клуни не сакал брак и деца.

„Стејси прва го доведе прашањето за раскинување. Таа сака еден ден да има деца и семејство. Таа е свесна какви ставови има Клуни во однос на тоа прашање. Разговараа и тивко прекинаа пред неколку недели“, изјавил пријател на Стејси за списанието People.



Шпекулации дека двојката е во криза се појавија минатата недела, кога беше откриено не го поминаа заедно американскиот Ден на независноста. Клуни е виден со пријателите на езерото Комо, а Стејси го поминала празникот со пријатели во Малибу.