Од Кина стигнаа запрепастувачки фотографии од Жолтата Река, на која е извршено годишното чистење на тињата...

Туристите кои дошле минатиот викенд да ја проверат големата брана на Жолтата Река во кинеската провинција Хенан, морале да носат чадори, но не поради дождот, туку поради годишната операција за отстранување на талогот од дното на коритото на реката.

Според проценките, за време на викендот преку специјални дупки на браната се отстранети околу 30 милиони тони кал и песок.

Истата операција се спроведува веќе 13 години, откако браната е изградена, а досега на тој начин се испрани околу 390 милиони тони тиња.

Целта е да се спречи забавување на протокот на реката, со оглед на тоа што секоја година на ова подрачје од браната се наталожува по над две метри тиња.

Браната е висока 154 метри, широка 1.317 метри. Нејзината изградба траеше шест години, а ќе чини околу 3,5 милијарди американски долари.