Компанијата Central Railway од Јапонија планира производство на супербрз воз кој според сегашните информации, ќе развива брзина до 500 километри на час.

Возот ќе се движи по магнетно поле, а научниците од Јапонија веруваат дека со тоа ќе се намали досегашното време на патување меѓу градовите во таа земја.

Во 16 вагони, колку што е планирано возот да има, би требало да собира околу 1.000 патници. Возењето ќе биде пријатно, а бука речиси и нема да има.

Првото возење е планирано дури во 2027 година и тоа од Токио до Нагоја. Проектот би требало да чини околу сто милијарди долари.