Кинескиот институт за истражување на развој на децата ја повикал власта да дозволи семејствата да раѓаат по две деца...

Кинеската стручна група ги повикала лидерите на земјата веднаш да ја укинат политиката за раѓање на едно дете и до 2015 година да дозволат секое семејство да има по две деца.

Некои демографи овој потег на Кинескиот институт за истражување на развојот на децата го сметаат за доста храбар чекор. Според извештајот кој официјално ќе биде објавен за недела две, се препорачува овој закон во одредени провинции да почне да се спроведува уште сега, додека во целата земја таа политика да почне да се спроведува од 2015 година.

"Кина плати доста голема политичка и социјална цена за оваа политика која резултираше со социјални конфликти, големи административни трошоци и која доведе до долгорочна нерамнотежа на половите при раѓањето."

Останува нејасно дали кинеското водство е подготвено да ги прифати тие препораки.

Сепак спроведувањето на политиката едно дете постојат исклучоци. Власта ги ограничува повеќето гратски парови да имаат повеќе од едно дете, додека оние во руралните средини, доколку првото дете им е девојче, може да имаат уште едно.

Постојат уште некои исклучоци односно повеќе од едно дете им е дозволено на семејствата во кои и двајцата родители, и таткото и мајката, се единци.