Forbes објавил листа на најбогати покојни славни личности. Мајкл Џексон веќе не е на првото место.

Кралот на попот изминативе години беше најплатен славен мртовец, а оваа година од тронот го симна холивудската легенда Елизабет Тејлор. Нејзиното богатство во последнава година се зголемило за 210 милиони долари, а ја следи Мајкл Џексон со „само“ 145 милиони.

На трето место е кралот на рокенролот Елвис Присли (55), четврт е „таткото“ на Чарли Браун, Чарлс Шулц (37), петти е Боб Марли (17), а шести е Џон Ленон (12 милиони долари).

Мерилин Монро оваа година „заработи“ десет милиони долари, исто колку и Алберт Ајнштајн. Ги следат писателот на книги за деца, Доктор Сус (9 милиони долари), актерот Стив Меквин и пин-ап легендата Бети Пејџ, со по 8 милиони.

Листата ја затвараат композиторот на мјузикли за Бродвеј, Ричард Роџерс и Џорџ Харисон од The Beatles со шест, однсоно пет и пол милиони долари заработени во изминатава година.