13-годишната Талиа Џои Кaстилано е храбра девојка која благодарение на неверојатната борба за живот, но и успешниот видео блог за шминкање, стана заштитно лице на американската компанија Covergirl...

Освен што е инспирација за девојчињата на нејзина возраст, таа е и инспирација за возрасните. Моментално се бори со два вида на рак, леукемија и невробласт. Олеснување во тешките околности побарала во шминкањето и ставањето на своите забавни видеа на интернет. Нејзините видеа привлекоа преку 14 милиони гледачи на Јутуб. Се почнало со тоа што не сакала да носи перика откако почнала со хемотерапијата.

"Не сакам перики, не знам.. Кога имам перика на себе се чувствувам како тоа да не сум јас". Но, затоа во шминкањето го пронајде своето иделано хоби кое и ја крена самодовербата. "Кога ќе се нашминкам, се чувствувам како оние што ме гледаат, ме гледаат во шминката, а не во мојата глава без коса".

На ова храбро девојче лекарите и прогнозирале 4 месеци до година дена живот. Има опција да оди на трансплатација, но тврди дека е уморна.

Талиа сега ужива во новата улога на заштитно лице за козметичката компанија. Таа развесели милиони луѓе ширум светот со својот позитивен став и видео лекции. Својата борба со ракот сакала да ја сподели со другите и да ги предупреди дека животот е краток и дека во него треба да се ужива.