На 19-годишниот Николас Рут му била дијагностицирана леукемија уште во 2005 година. Меѓутоа поминале веќе четири години како е опоравен, а добил и на лотарија 250 илјади долари. Веројатно работите конечно тргнале кон подобро...
Тврди дека упорното уплатување на лото ливчиња на крај му се исплатило. Иако не се работи за џекпот Ник сепак се чувствува како победник. За жал, и данокот ќе му "изеде" дел од паричната награда, така што после се ќе му останат 165 илјади долари. И покрај тоа, Ник смета дека тоа е повеќе од доволно.
Од освоената сума планира да си го отплати автомобилот, дел од парите ќе стави на страна за подоцна да може да си купи куќа, а останатите ќе ги донира во организациите кои му биле од голема помош во периодот кога се борел со тешката болест.
