Денес ширум светот се обележува Светскиот ден на контрацепцијата под мотото "Твоја иднина. Твоја одлука. Твоја контрацепција". Како вие се штитите од полово преносливи болести и несакана бременост?...

Овогодинешниот фокус на СДК е потикнување на младите луѓе да размислуваат однапред, да мислат на време на контрацепцијата за да ја спречат непланираната бременост или сексуално преносливите болести. Исто така, цел е млaдите, па и сите други, да се информираат за расположливите методи на контрацепција за да можат да го изберат оној кој најмногу одговара на нивниот начин на живот.

Контрацепцијата не треба да се бира во последен моменет, туку однапред да одлучите на основа на точни информации и на задолжителен разговор со лекар.

СДК го подржува коалиција од 11 меѓународни невладини организации, како и научно медицкински здруженија со интерес во областа на сексуално репродуктивното здравје.

Светскиот ден на контрацепција почна да се обележува 2007 година, а негова задача е да ја подигне свеста кај младите и да им овозможи да донесуваат одлуки за сеуксуалното и репродуктивно здравје врз основа на проверени информации.