Европските научници, користејќи го огромниот телескоп на ESO и цела серија други телескопи, го откриле и го набљудувале најоддалечениот квазар од Земјата...

Таа светлина, која е извор на енергија на црна дупка и која има маса 2 милијарди пати поголема од нашето Сонце, сега е најсјајниот вселенски објект откриен во периодот на почетокот на универзумот, пренесува phys.org. Зошто почеток на универзум? Затоа што набљудуваната светлост е стара дури 12.9 милијарди години, односно толку време и требало да стигне до земјата од својот извор.

"Овој казар дава важен увид во раниот универзум. Тоа е многу ретко космичко тело, кои ќе ни помогне во разбирањето на супермасивните црни дупки и како тие пораснале неколку стотина милиони години по Биг Бенот", истакнал Стивен Ворен, водител на тимот научници кои напишале студија за тој казар, која ќе биде објавена утре во журналот Nature.

Квазарите се екстремно светли и далечни галаксии, за кои се верува дека енергија им дава супермасивна црна дупка во самото нивно средиште. Нивната светлина ги прави еден вид "вселенски светилник", кој може да помогне во проучувањето на периодот кога се формирале првите ѕвезди и галаксии.

Новооткриениот квазар толку е оддалечен од нас, што неговата светлост го осветлува последниот период од времето на реионизација. Квазар научниците го нарекле ULAS J1120+0641, а она што научниците го виделе низ телескоп е неговата состојба само 770 милиони години по Биг Бенг.