Потврдено е: кенкањето навистина е најнеподносливиот звук на цел свет...

Звукот на нокти кои поминуваат по табла, луѓе кои гласно разговараат на мобилен телефон во јавност - листата на нешта што не нервираат е многу долга.

Но, како што долго се мислеше, звукот на дете кое кенка е најиритирачкиот звук на светот, според научниците.

Учесниците биле замолени едноставно да одземаат додека слушаат разни звуци - вклучувајќи звуци од машини, бебиња кои плачат и обични разговори - и увиделе дека најмногу грешки направиле и решиле најмалку проблеми додека слушале дете како кенка.

„Во основа се завршуваат помалку работи, а истите тие се завршуваат многу полошо додека се слуша звукот на кенкање“, вели ко-авторот на студијата, Розмери Сокол Чанг, професор по психологија на SUNY New Platz.

Резултатите не биле поврзани со мајчинскиот инстинкт и немало никаква врска со тоа дали учесниците имаат деца или не.

„Не е важно дали сте маж или жена, сите подеднакво се деконцентрирани“, вели Чанг.

За да се осигурат дека самите зборови не предизвикуваат учесниците да губат концентрација, туѓи јазици биле користени во проучувањето.

Било откриено дека по кенкањето на децата, најдеконцентрирачки звуци биле плачењето на новороденчињата, кои биле следени од звукот кога возрасен зборува со бебе како бебе.

Според доктор Чанг, може да се должи на еволуционерната адаптација тоа што врз луѓето толку влијае вознемиреното дете - што го тера родителот да делува со цел да го заштити својот потомок.