Со години научниците предвидуваат дека во 2012 сонцето ќе достигне состојба на максимална активност, со интензивни ерупции и активност на сончевите дамки, но во последно време мирот го сугерира спротивното...

Според три студии објавени во САД, експертите сметаат дека активноста на сончевите дамки може да се намалува и да оди кон неактивност, невидена од 17-ти век. ЗНаците вклучуваат недостаток на ерупции, исчезнување на дамките и бавна активност крај половите, соопштуваат експертите од националната сончева опсерваторија и лабораторија за истражување на воено-воздушните сили.

"Ова е крајно невообичаено и неочекувано", изјавил Франк Хил, заменик-директорот на опсерваторијата. "Но, фактот дека сосема различни точки водат во иста насока е важен индикатор дека циклусот на сончеви дамки може да се насочува кон хибернација". Сончевата активност се зголемува и намалува приближно на секои 11 години.

Максималната и минималната активност ја забележуваат промената на магнетниот пол на сонцето, која се случува на секои 22 години. Хил рекол дека сегашниот 24 циклус може да биде последниот нормален за некое време, а 25-от да биде одложен за некое време.

"Ова е важно бидејќи сончевиот циклус може да влијае на модерната технологија и да придонесе за климатските промени". Експертите истражуваат дали овој период не е повторување на 70 годишниот период од 1645-1715 година, во кој не се забележани речиси никакви сончеви дамки и е познат како "Мала ледена доба".