Македонските граѓани ќе имаат прилика во среда, на 15 јуни, да набљудуваат целосно помрачување на Месечината и тоа веднаш по нејзиното излегување на источниот дел од хоризонотот...

Според известувањата на едно астрономско здружение, Месечината ќе излезе околу 8 часот и 15 минути, а само неколку минути после тоа ќе почне да влегува во сенката на Земјата.

Помрачувањето ќе биде добро видливо со око само за време на поминувањето на Месечината низ сенката на Земјата. Околу 21 часот и 15 минути ќе биде средината на помрачувањето, а три минути по полноќ ќе биде последниот контакт на Месечината со сенката на Земјата.

За време на оваа помрачување, Месечината ќе помине релативно близу центарот на сенката на Земјата, па потполното помрачување ќе трае 1 час и 40 минути, а заедно со делумното помрачување околу 3 часа и 40 минути.

По последниот контакт на површината на Месечината ќе може да се види и влијанието на полусенката на Земјата.

Појавата ќе може да се следи од Европа, Африка, Австралија и Јужна Америка и поголем дел од Азија. Невидлива е за жителите на Северна Америка и пацифичките острови.