Во потрага по одговорите за мистериозните, а истовремено фундаментални прашања за настанувањето и постоењето на вселената, последните години во предност е голем, вреден 10 милијарди долари, хадронски судирач во CERN. Но, оваа недела американските научници, собрани околу многу помал проект Теватрон судирач во Илиноис, објавиле дека можеби откриле нова, до сега непозната честичка...

Така последните денови физичари ширум светот погледот го насочиле кон случувањата во тој проект, кој оваа година би требало да биде укинат поради недостаток на средства за негово финансирање.

Научниците објавиле дека можеби, со акцент на можеби, пронашле доказ за постоење на нова честичка, која, доколку постои, би била уште еден, нов „камен темелник“ во „битието“ на материјата, во чии тајни научниците се обидуваат да проникнат.

Но, истовремено е истакнато дека постои шанса во размер од 1 спрема 1000 дека можеби се работи за грешка во статистиката, направена при мерењето. Се очекува дека идните недели научниците ќе утврдат дали навистина се работи за нова честичка или за „пропуст“.

Физичарите, но и не само тие, последните година посебно се занимаваат со природата на материите и елементарното прашање - зошто и како постои масата која ја сочинува. Во тој смер се движи и големиот проект на CERN, чија цел е да откријат дали постои Хигсов бозон или „Божја честичка“. Во Теватрон веќе обелодениле дека честичката која можеби ја откриле, не е ништо слично на Хигсовиот бозон, но секое откритие на поле на елементарни честички на научницте им е драгоцено во потрагата по прашањето на кој начин и како воопшто е можно да постоиме ние и се околу нас.