Телескопите на НАСА, Свифт, Хабл и Чандра ги здружиле силите и истражувале една од најмистериозните експлозии кои до сега биле снимени во вселената...

Научниците ги збунува фактот дека повеќе од седум дена по експлозијата од местото на настанот продолжуваат да добиваат наизменично слаба и силна радијација со висока енергија.

Астрономите велат дека никогаш пред тоа не виделе нешто толку сјајно, трајно и променливо. Експлозијата на гама зраци обично е знак на колапсот на масивни ѕвезди, меѓутоа, нивните ракети никогаш не траат подолго од неколку часа, тврдат астрономите.

Причината за експлозијата и зрачењето сеуште се истражува, но експертите велат дека експлозијата најверојатно се доближила до ѕвезда со средна црна дупка.

Моќната гравитација на црните дупки би можеле во овој случај да ја растргнат ѕвездата, а гасовите по тоа да продолжат да влеваат во неа. Според компјутерскиот модел, црната дупка создала свое зрачење долж оската на ротација, и кога тоа е насочено кон нас, инструментите регистрираат силен блесок од рендгенски зраци.

Првата низа од тие експлозии кои се случиле во соѕвездието Змеј, на 28 март, ги открил телескопот Свифт, а каталогизирана е како блесок од гама зраци GRB 110328A. Хабл на 4 април снимил извор на експлозија, која во центарот на галаксиите се наоѓа околу 3.8 милијарди светлосни години од Земјата.

Истиот ден телескопот Чандра снимил мистериозен извор со експлозија во траење од четири часа и е потврдено дека изворот е во центарот на далечната галаксија.