Приватната американска фирма за вселенски летови Space X, објави дека нејзината следна ракета ќе биде најмоќна на светот...

Новата ракета, под име Falcon Heavy, е дизајнирана за носење на двојно поголема тежина од онаа која може да ја прими теретниот простор на ракетите на NASA. Ракетата која би требала да биде лансирана на рампата до крајот на следната година, а лансирањето на истата би следело во 2013 година. Претседателот на управата на Space X, Елон Маск, ја опиша новата ракета на својата фирма во вторник на конференцијата за новинари во Вашингтон, велејќи дека во орбитата ќе носи терет од 52 тони, извести американското јавно радио NPR.

„Така што тоа е навистина, навистина огромно. Тоа е поголема теретна способност од било која ракета за летање во историјата, освен Saturn V“, рече Маск.

Saturn V е ракета на NASA која излезе од утпотреба по завршувањето на програмата летови на Месечината - Apollo. Маск рече дека Falcon Heavy ќе има околу половина од теретниот капацитет на Saturn V. Тој оцени дека две лансирања на ракетата Falcon Heavy би можела да овозможи нов лет на Месечината, и дека е можна и мисија до некој астероид или беспилотен лет на Марс за собирање на примероци од камења.
Space X е една од фирмите кои се вклучени во тргата за превоз на терет, а во иднина и астронаути. Space X веќе има изведено два успешни лета со својата помала ракета Falcon 9 и успешно ја врати својата вселенска капсула Dragon од орбитата. Маср рече дека Falcon Heavy се дизајнира во скалод со мерките на NASA за летови со човечки екипаж, и дека секое лансирање на таа ракета ќе чини од 80 до 125 милиони долари.