Научниците во Кина креирале генетски модифицирани крави кои произведуваат млеко многу слично на човечкото...

Човечки гени се додаени во клетките на кравите за да можат да произведуваат млеко што послично на човечкото, пишува Sunday Telegraph.

Се претпоставува дека млекото на споменатите крави може да послужи како алтернатива за човечкото млеко, и да го замени млекото со кое мајката не може да го дои своето бебе.

Британските научници се уверени дека овој изум ќе им биде корисен на многумина жени, но ја земаат во обѕир и опозицијата, која ќе има приговор за генетски модифицираните крави.

Кинескиот научник Нинг Ли нагласува дека ова млеко е сигурно како и вообичаеното кравјо млеко.

„Тоа има поинтензивен вкус од нормалното мелко. Сигурен сум дека за 10-тина години такво млеко ќе се продава во секој супермаркет“, објасни тој.

Правилата околу истражувањата на генетски модифицираната храна во Кина се многу порастегливи отколку во Европа. Нинг Ли тврди дека со оваа откритие е докажано дека кравите можат да се „очовечат“.