Во опсерваторијата на НАСА откриле вистински непосреден доказ за постоење на супертечност внатре во неутронска ѕвезда...

Супертечност е малку бизарна состојба на материја, која го игнорира триењето. Научниците кои во лабараторијата направиле супертечност, истакнале дека има неверојатни својства, како качување нагоре и фактот дека тие можат да излегуваат од херметички затворен сад.

Ова ново откриите ќе им помогне на научниците во разбирањето на нуклеарните интеракции во внатрешноста на материјата при највисоки густини. Во таа смисла нутронската ѕвезда содржи најгуст познат материјал кој може да се види во универзумот. Да го ставиме тоа во некаков вид на однос, можеме да споменеме пример дека една лажичка на материјата од неутронската ѕвезда тежи шест милијарди тони.

Притисокот внатре во јадрото е толку голем што поголемиот дел од наелектризирани честички како електроните и протоните се спојуваат и резултира со настанување на ѕвезда која е составена од претежно ненабиени честици, односно неутрони.

Два тима на научници забележале една неутронска ѕвезда, Cassiopeia A, која е набљудувана од Земјата, и која настанала пред 330 години, кога експлодирала масивната ѕвезда оддалечена 11.000 светлосни години од Земјата. Податоците добиени од Чандра, покажале дека температурата во неутронската ѕвезда драстично се спуштила за време на период од десет години.

"Ненадејното ладење на неутронската ѕвезда Cas А, како што забележи Чандра, е првиот вистински доказ дека јадрата на неутронските ѕвезди се направени од супертечност", заклучил Петар Шитернин, од институтот во Санкт Петерсбург, Русија.