Научниците од Калифорнија дошле до необично откритие. Всушност според нивното истражување пријателите ги одбираме според тоа дали имаме заеднички гени со нив...

"Ние покажавме како нашата социјална околина во голем дел ја сочинуваат пријатели со слични гени, поточно дека гените на другите луѓе се она што влијае на нашата одлука дали да се спријателиме со нив. Мапирањето на генетски маркери на поединци во општеството покажало дека секој има намера да создава пријателство со личноста со која дели барем два од шест гени", изјавил Џејмс Фовер, професор по генетика од универзитетот во Калифорнија.

Тој всушност направил анализа на две независни студии во кои испитаниците ги рангирале своите пријатели по временски период за дружење од 6 до 32 години. По тоа научниците ги мапирале нивните гени за да увидат колку тие одговараат.

Исто така занимливо е тоа, оние кои имале DRD2 ген, кој се поврзува со тенденциите кон алкохолот, имале повеќе пријатели со исти изразен маркер, а тие појави се нарекувале хомофилија.

Исто така тие го потврдиле фактот дека спротивностите привлекуваат, поточно дека постојат луѓе кои имаат тенденција да се спријателат со луѓе со спротивните особини, но тоа е според нивни зборови, доказ дека тие луѓе се генетски комплементарни.

Пример за тоа се оние кои го имаат генот CYP2A6 кој се поврзува со отворениот карактер, понекогаш бираат пријатели кои воопшто го немаат тој ген. Таа појава ја нарекуваат хетерофилија. Тоа често влијае на одбирањето на животни партнери, бидејќи со различните генетски карактеристики им се зајакнува имунитетот и целокупното здравје на потомството.