Истражувачи во Јапонија измислиле нов материјал издржлив на удар кој може да издржи на екстремни температури, а тие се надеваат дека би можел да се користи во моторите на вселенските шатлови и автомобили...

Материјалот е целосно изработен од јаглерод, тој може да се преклопи и шири бавно како густ мед и повторно да ја завземе оригиналната форма, рекле Ксу Минг од Националниот институт за напредна индустриска наука и технологија во Јапонија.

"Тој е сличен на метален сунѓер, произведен од трилиони испреплетени јаглеродни нано-цефки. Кога се шири и ослободи, може бавно да се врати (кон својата оригинална форма)", рекол научникот.

Соопштението за новиот пронајдок е објавено во петочниот број на списанието Science. Материјалот е добиен со мешавина на силициум, железо и вода, јаглеродните нано-цефки се 5 нанометри во дијаметар и можат да ја задржат својата форма и функции во температурна амплитуда од -196 до 1000 степени целзиусови во средина без кислород.

Еден нанометар претставува една милијарда од метар. "Материјалот е сосема нов и уникатен. Тој потенцијално може да се користи во вселената во резервоарите на вселенски шатли и ракети, во мотори на возила за изолирање на вибрациите", рекол Ксу. За разлика од гумата која не пренесува електрична енергија, овој материјал тоа го прави, поради што е мултифункционален.