Древната галаксија влезе во книгата на рекорди како најоддалечениот објект во вселената...

Ѕвездите со името UDFy-38135539 од Земјата се оддалечени 13.1 милијарди светлосни години. Откритието на европските научници е објавено во магазинот Nature, а вселената ја надгледувале од опсерваторијата во Чиле.

"Ова откритие е крајната граница на она што може да се дознае благодарение на денешната технологија во најдобрите телескопи. Секое понатамошно подобрување ќе помогне во откривање на нови информации од вселената", изјавил Малком Бремер од универзитетот во Бристол.

Откриената галаксија за астрономите е многу важна, бидејќи датира од времето "епоха на реонизацијата", односно од времето на млада вселена кога радијацијата ја менувала состојбата на водород во животната средина. Затоа научниците се надеваат дека најновото открите ќе им помогне подобро да ја разберат еволуцијата на универзумот.