Американските научници од универзитетот Колумбија објавиле дека откриле егзопланета...

Тоа е планета надвор од Сончевиот систем, на која има големи шанси од можен живот. Доколку нивните податоци ги потврдат и другите астрономи, планетата ќе биде најслична на Земјата од сите до сега откриени планети.

Научниците кои цело време трагаат по нови планети, рекле дека пронашле планета со големина на Земјата, со трипати поголема маса.

Пронајдената егзопланета на површината би можела да има вода. Научниците за време на откритието рекле дека се задоволни што пронашле планета во релативна близина на Сончевиот систем.

Инаку, во последните две години, научниците од целиот свет, главно од САД, наоѓаат по 400 егзопланети. Од сите досега откриени, оваа планета е најслична на Земјата, а со пронаоѓањето на слични планети се зголемува можноста за пронаоѓање на првиот живот надвор од Земјата.