Уште еден потенцијално опасен астероид ќе прелета близу Земјата...

Телескопот на Хаваите Pan-Starrs PS1, посветен на ловот на астероиди, го открил споменатиот астероид наречен 2010 ST3, со дијаметар од 43 метри.

Тоа било парче вселенски камен кој треба да помине околу 6.4 милиони километри од Земјата, што е сигурна оддалеченост, но научниците веруваат дека за 90 години би можело да се врати и повторно да се закани, пренесува space.com.

"Постои многу мала веројатност дека ST3 ќе ја погоди земјата во 2098 година, па затоа е добро да се набљудува", објаснил Роберт Џедике, научник кој работи на споменатиот телескоп.

"Откривањето на овој астероид покажува дека Pan-Starrs моментално е најосетливиот систем посветен на откривање на потенцијално опасни астероиди", додал Џедике.

Се очекува дека хавајскиот телескоп во следните три години ќе открие 100.000 нови астероиди. Околу 85% од најголемите астероиди, кои летат покрај земјата, веќе се откриени, но дури 15% од наведениот број на астероиди активно се следат и идентификуваат, велат од американската национална академија на науките.

"Она што се обидуваме да направиме е откривање на метеори многу пред да паднат на Земјата", истакнал Гарет Вин Вилјамс.