Исчезнувањето на мамутите не било предизвикано од судирот на Земјата со огронма комета, покажа новото истражување.

Истражувачите од целиот свет досега сметаа дека последното масовно изумирање на животните на нашата планета е предизвикано од судирот на Земјата со комета, при што температурите пред 13 000 години се намалиле нагло. Оваа нагла промена на климата, позната и уште како "Големиот студ" (Big Freeze), довела до смртта на голем број видови како мамутите, а покрај тоа скоро го истребила и човечкиот вид.

Научниците сепак ја оспорија оваа теорија, откако открија дека, масовното изумирање може да е предизвикано и од друга невобичаена катастрофа. Според нив, исчезнувањето на стотици видови животни се случило како резултат на топење на џиновски, ледени глечери, кои се стопиле во северниот дел на Атлантскиот Океан, поради климатските промени на Земјата. На овој начин нивото на светскиот океан се зголемило и водата зафатила дел од заледената суша.

Истражувањето го направиле научниците од Универзитетот во Сент Луис, САД и нивните колеги од "Кралскиот Универзитет Холовеј" во Лондон.