Нешто се случува со горниот слој од Земјината атмосфера. Нешто што ги збунило научниците...

Високо над површината на Земјата, на надморска височина од 100-600 км, се наоѓа слој од Земјината атмосфера наречен термосфера, што е всушност редок слој на плин, и кој неодамна пропаднал и сега полека почнал да се обновува, откриваат научниците на НАСА. "Тоа е најголемата контракција на термосферата во последните 43 години.

Тоа е рекорд на нашата вселенска ера" истакнал Џон Емерт, автор на извештајот во кое откритието било објавено, во научното списание Geophysical Research Letters. Научниците откриле дека колапсот на термосферата се случил помеѓу 2008 и 2009 година во моментот на најголемиот соларен минимум, што ги изненадило научниците. Тоа што не им е јасно е дека магнитудата на колапсот на термосферата е два до три пати поголема од вредноста која може да се објасни со сончевата активност.

"Нешто се случува, а ние тоа засега не го разбираме", додал Емерт. Термосферата е слој на Земјата низ кој поминуваат метеорите, во кој се јавува Aurora borealis и Australis, и сите вештачки сателити лансирани од Земјата. Можеби поважно од тоа е што воедно е и првата граница на одбрана и првото место на контакт со соларната радијација со нашата планета.