Една од најстарите загатки во светот за која голем број умови размислувале, беше решена од британските научници. Истражувачите од The University of Sheffield откриле дека кокошката се родила пред јајцето...
Во минатото, многумина барале одговор на мистеријата, потпирајки се на теоријата на еволуцијата. Според овој модел, две речиси идентични птици во минатото го создале своето поколение, што во суштина ја претставува современата кокошка.
Денес научниците открија дека во структурата на лушпата на јајцата се содржи протеин, кој може да се најде само во јајниците на кокошка, па затоа кокошката произлегла пред јајцето.
Станува збор за протеин кој научниците го нарекуваат “овокледидин-17“ или “OC-17”, се јавува како катализатор и го забрзува развојот на лушпата. Затоа истражувачите веруваат дека јајцето може да се создаде само со помош на "OC-17, кој го има само во јајниците на кокошката.
