Андерс Сендберг, Ерик Дрекслер и Тод Орд, се професори-научници од Институтот за иднина на човештвото при Универзитетот Оксфорд, кои откриваат нов начин за предвидување на шансите за пронаоѓање други форми на живот во галаксијата Млечен Пат.

Се работи за своевидно решение на Фермиовиот парадокс, којшто произлегува од конфликтот на Дрејковата еднаквост според која не сме сами во нашата галаксија, од една страна, и фактот дека ние не гледаме никого освен нас самите.

Истражувачите истакнуваат дека во Дрејковата еднаквост има премногу променливи. Тие користеле разни познати параметри, поврзани со хемиски и генетски промени значајни за создавањето на животот, па така добиле сосем поинаков модел. Според него, можностите дека сме сами во галаксијата се 99,6%, а дека сме сами во делот од Вселената што можеме да го видиме е 85%.