И Аристотел рекол дека никогаш немало гениј кој не бил помалку луд, а слично тврдење делиле и многу други после него...

Научниците веќе со години знаат дека креативните способности се во семејствата кои имаат историја на ментална болест и дека креативците во поголем процент заболуваат од шизофренија. Така примениле некои психолошки вештини како и способноста за создавање на необични асоцијации карактеристични и за шизофреничарите и за креативците.

Сега ново шведско истражување ја поткрепи оваа идеја со научни факти. Поточно, експерти од институтот Каролинска откриле дека допаминскиот систем во мозокот на многу креативни луѓе е многу сличен на оној кој е карактеристичен за шизофреничарите.

"Го истражувавме мозокот и рецепторите на домапин D2 и дојдовме до заклучок дека допаминскиот систем на здравите, многу креативни луѓе е многу сличен на оној кој го наоѓаме кај луѓето со симптоми на шизофренија", рекол професорот Фредерик Улен од одделот за здравје на жени и деца на институтот Каролинска.

Иако сеуште не е јасно кој механизам во мозокот е одговорен за тоа, д-р Улен нагласува дека функцијата на допаминскиот систем во мозокот е многу важна. "Нашето истражување покажа дека многу креативните луѓе кои успешно ги решаваат тестовите со дивергентно размислување имаат помала густина на рецепторот D2 и таламус од помалку креативните луѓе.

Познато е и дека шизофреничарите имаат пониска густина на D2 во тој дел од мозокот, што укажува на поврзаноста на менталните болести и креативноста", објаснува д-р Фредерик. Таламусот делува како еден вид на филтер за информации пред тие да стигнат до големиот мозок, одговорен за знаење и размислување.