Пат околу Земјата за 96 минути...

Пред точно дваесет години, американската вселенска агенција НАСА го прати Хабл во Земјината орбита. Во своите 20 години стаж, телескопот постигнал голем број на значајни набљудување во вселената. И покрај успесите, Хабл ќе остане во вселената уште само 3 години бидејќи според планот ќе оди во пензија во 2013 година. Телескопот кој орбитрира околу земјата од 24 април 1990 година, покрај големиот број на слики, забележил и значајни статистички податоци.

Хабл е долг 11 метри, широк 4.2 метри и тежок 11 тони. Околу земјата патува на висина од 600 километри со брзина од 28.000 км/ч, а за еден круг околу земјата му требаат 96 минути. Во дваесет години од својата работа околу земјата, Хабл направил 4.5 милијарди километри, што е приближно еднакво како од Земјата до Нептун. На својот пат Хабл снимил 570.000 фотографии, на нив "фатил" 30.000 небесни тела, а износот на податоците кои Хабл ги направил изнесува 45 терабајти, што би било еднакво на околу 10.000 DVD цедиња.