Со играње мисловни игри нема да станете попаметни...

Луѓето кои на своите компјутери играат различни мисловни компјутерски игри за да ги зајакнат своите мозочни функции, можат да играт и Супер Марио и повторно ќе бидат со истиот ефект, објавиле научниците. Според BBC, експертите направиле истражување за период од шест месеци и констатирале дека луѓето со играње на компјутерски игри со кои наводно се подобруваат нивните когнитивни способности, нема да станат ништо попаметни.

Во истражувањето учествувале повеќе од 8600 корисници помеѓу 18 и 60 години кои играле мисловни игри на интернет по десет минути дневно, три пати неделно. По една недела експертите ги споредиле нивните резултати со 2.700 луѓе кои не ја играле таа игра, но биле активни со сурфањето на интернет и одговарање на прашањата во врска со општите теми. На сите учесници бил спроведен и тест за интелигенција.

Истражувачите заклучија дека корисниците на мисловни компјутерски игри на крајот од тестирањето не станале ништо попаметни. "Луѓето кои навистина сакат да станат попаметни, нека се одлучат за учење на некој јазик или рекреативни способности. На стимулирањето на интелектуалните способности, компјутерските игри немаат никаков ефект. Луѓето стануваат попаметни со многу потешка работа", објавил еден од научниците кој работел на истражувањето.