Ново откриениот астероид ќе прелета близу Земјата. Иако ќе помине во внатрешноста на Месечината, нема никаква опасност дека ќе удри во нашата планета...
Астероидот именуван како 2010 GA6 е релативно мал вселенски камен од 22 метри, кои го откриле астрономите од Аризона. ТОј вселенски камен ке помине покрај Земјата во петок, но експертите од НАСА потенцираат дека за Земјата нема никаква опасност.
"Прелетувања во внатрешноста на орбитата на Месечината се случуваат секои неколку недели", се наведува во изјавата на Don Yeomans.
Во моментот на прелетот на астероидот 2010 GA6 ќе биде оддалечен од земјата 359.000 километри. Тоа е речиси девет десетини од оддалеченоста на Месечината од Земјата. Ова прелетување на астероид не е прв од ваков вид оваа година.
Во јануари астероидот 2010 AL30 ја прелета Земјата на оддалеченост од 130.000 километри. Најновиот вселенски телескоп на НАСА, Wide-field Infrared Survey Explorer (WISE), е лансиран во декември минатата година и има за задача да лови нови астероиди.
Дневно Wise открива десетици претходно непознати астероиди, а некои од нив беа идентификувани за детални студии, бидејќи можат да претставуваат опасност за Земјата.
