Нашето тело ги изразува емоциите подобро од нашето лице, затоа мора да бидеме свесни дека говорот на телото може да открие што мислиме за другите...



1. Личноста со која комуницирате не ви се допаѓа;

Прво ќе ве предадат нозете. Експертите за невербална комуникација често велат дека нозете се најискрен дел од телото. Ако се наоѓате во просторија со некој што не ви се допаѓа, нема да правите гримаси затоа што не сакате да создадете лоша слика за вас. Меѓутоа, стапалата несвесно ќе ги свртите настрана од лицето што не ви се допаѓа.

Истото важи и за ситуацијата во која имате скрстени нозе. Така автоматски ги насочувате кон лицето што ви е симпатично, а не кон оние што не ви се допаѓаат. Немирот и недостатокот на концентрација се знак дека не ви е пријатно во конкретното друштво. Кога гестикулирате со рацете во среде расправија, а дланките ви се свртени надолу, значи дека сакате да наметнете доминација во разговорот и нема да се откажете од своите ставови.

2. Личноста со која комуницирате ви се допаѓа;

Кога ви е пријатно во нечие друштво, автоматски станувате опуштени и смирени, немате нагли и изненадни движења на телото. Секогаш се наведнуваме кон лицата што ни се симпатични со главата и остатокот на телото. Разговараме со нив со раширени раце, со што симболизираме прифаќање, отвореност и чувство на доверба.