Пет планети ќе се појават прв пат после 11 години на небото...



Ова последен пат се случи во јануари 2005 година, кога Меркур, Венера, Марс, Јупитер и Сатурн ја формираа оваа линија. Оваа појава ќе биде видлива од 20 јануари до 20 февруари, а астрономите велат дека ќе биде најдобро да се гледа одредено време рано пред да зори.

Небесните тела ќе формираат дијагонална линија на југоистокот од Месечината до хоризонтот и би требало да бидат видливи со голо око. Јупитер ќе се појави прв на небото, а после него следуваат Марс, Сатурн, Венера и Меркур. Експертите тврдат дека ќе биде предизвик да се забележи Меркур, бидејќи таа планета ќе биде најблизу до хоризонтот. Ќе бидат видливи ѕвездите Антарес и Спик, а со помош на двоглед ќе може да се видат и поголемите сателити на Јупитер.