Научниците од Институтот MIT и компанијата Samsung дошле до заклучок дека со употреба на батеријата во цврста состојба, би можеле да го решат проблемот со денешните батерии...



Денешните уреди користат литиумско-јонски батерии, кои имаат мал капацитет и брзо се трошат, а постои опасност и од експлозија.

Според зборовите на професорот Гербранд Цедер, сите пожари што се случуваат во Боинг авионите и Tesla автомобилите, настанале токму поради течните електролити.

„Самиот литиум не е запалив, како што е случајот со батериите. Со цврсти електролити нема да се грижиме за безбедноста, ќе можете да ја фрлите на под, можете да заковете шајка во неа и нема да дојде до пожар“, истакнува професорот Цедер.

Има проблем со развивање на батерии во цврста состојба затоа што тешко се наоѓаат цврсти материјали, кои ги протнуваат честичките подеднакво брзо како и течноста. Меѓутоа, овој тим од научници успеал да открие материјали доволно добри за оваа намена.