Исклучително силна соларна бура ќе ја погоди Земјата денес во 15:00 часот според нашата временска зона и ќе трае од 24 - 36 часа...



Соларната бура може да предизвика големи проблеми со електричната енергија и да ја поремети работата на системот за навигација. Оваа Сончева бура има четврти ранг на скалите на американската Национална управа за океани и атмосферата, која според геомагнетните ефекти, се категоризира од еден до пет.

Соларните бури се моќни изливи на радијација, а штетните зрачења што настануваат за време на оваа појава не може да продрат низ нашата атмосфера. Така нема да влијаат физички врз луѓето на површината на Земјата.

Сончевата бура настанува кога магнетната енергија, која е изградена во сончевата атмосфера, одеднаш се отпушти во активните области околу сончевите пеги. Зачестеноста варира неколку дена, кога Сонцето е најмногу активно.



Оваа појава предизвикува и аурора бореалис, спектакуларната појава, која може да се види на небото над поединечни делови од Земјата. Поларната светлост, односно аурора бореалис е појава која се јавува во близина на магнетните земјини полови, а со самото тоа и во близина на половите на ротациите. Таа се манифестира во облик на повеќе магливи светлосни прамени во различни бои.