До крајот на овој век, луѓето би можеле да живеат во „вселенски градови“, кои ќе кружат околу Земјината орбита...



Така тврди „Ал Глобус“, научник што работи со NASA, кој верува дека ова е логична последица од ширењето на човештвото на новите простори. Тој за Daily Mail рекол дека постојат научни можности за развој на такви вселенски станици во кои луѓето ќе живеат. Тие би биле готови во текот на наредните децении или до 2100 година. Прашање е дали NASA или некој друг ќе се залага да гради вакви градови што ќе кружат околу орбитата. Ако навистина се одлучат за такво нешто. до нив ќе се патува едноставно, како што денес се патува од Лондон до Њујорк, а луѓето ќе можат да живеат таму, да одгледуваат деца и да работат на сличен начин како и на Земјата.

Глобус вели дека ако се зависни од еден ограничен простор, видовите изумираат, а човечкиот вид денес е зависен од Земјата. Затоа треба да се размислува за проширување надвор од нашата планета.

„Живееме во џунгли, прашуми, пустини и снежни услови - се проширивме максимално колку што можевме и наредниот чекор е проширување кон вселената“, изјавил Глобус.