Најважното прашање на интернет моментално е дали овој фустан е златно-бел или црно-син...



Расправата за овој фустан станува се повеќе апсурна од минута до минута. На никој не му е јасно што се крие зад овој популарен фустан, но, сигурни сме дека после некое време ќе се открие фамата зад овој социјален експеримент.

„Луѓе, помогнете ми. Дали овој фустан е златно-бел или црно-син? Моите пријатели и јас не можеме да се одлучиме“, прашала корисникот од социјалната мрежа tumblr, "swiked". Така започнала расправата.



„Не ми е јасна оваа чудна дебата за фустанот и верувам дека се работи за некој трик. Збунета сум и исплашена. ПС, очигледно е сина и црна“, напишала Тејлор Свифт.



„Триесет години ги проучувам индивидуалните разлики во препознавањето на бои и ова е една од најголемите на која наидов“, рекол Џеј Ник, од Универзитетот во Њујорк, кој објаснува дека леќите се менуваат во текот на животот. Одредени поединци, стануваат помалку чувствителни на  сино светло. Тоа би можело да се објасни зошто постарите луѓе гледаат бело и златно, а младите сино и црно.