Кога станува збор за љубов, општо познато е дека треба да го послушате своето срце, иако можеби треба да го следите мозокот...



Кога ќе ја запознаете вистинската личност, мозокот ослободува коктел сочинет од три супстанци (окситоцин, допамин и опијати), кои се главни виновници за вљубување. Тоа го рекол Лери Јунг, психолог на Универзитетот за медицина во Атланта.

„Сите три супстанци влијаат врз нашето однесување, така што предизвикуваат чувство на задоволство, нежност и приврзаност“, рекол Лери Јунг.

Окситоцинот е хормон за „милување“ и тој ни дава нагон да ја прегрнуваме често личноста што ја сакаме и да бидеме нежни и приврзани.

Допаминот предизвикува воодушевување и возбудување.

Опијатите предизвикуваат чувство на топлина и задоволство.

„Љубовта е зависност. Кога се врзуваме за партнерот и влегуваме длабоко во тој однос, остануваме во него, не само поради позитивните чувства и привлечност, туку и поради лошите чувства кога не би биле повеќе во таа поврзаност“, вели Лери.

Теоријата на хемичарот Џорџ Прети, кој работи во Центарот Монели во Филаделфија, вели дека сетилото за мирис има големо влијание врз човековите чувства. Тој исто така утврдил дека хемикалиите кои се произведуваат во во пазувите, може да влијаат врз промената на менструалниот циклус.