Отстранувањето на дел од мозокот кај некои луѓе може да ги поттикне внатрешниот мир и духовноста, откриле италијанските научници...
Нивната студија открива досега најсилни докази како се покренува духовното размислување. Така, тим на научници предводен од Cosim Urgesi, когнитивен неуро-научник од универзитетот во Удине, се свртеле кон пациентите со тумор на мозокот, за да оценат каква е нивната состојба по оперативниот зафат. Она што го откриле е дека пациентите на кои им бил отстранет тумор од задниот дел од мозокот, чувствувале зголемeна духовна вознесеност после 3 до 7 недели.
"Ова е прва студија од близу за човечката духовност. Пред нас е комплексен феномен, кој е многу блиску до сржта на она, што значи да се биде човек", рекол ко-авторот на студијата Salvatore Aglioti, од универзитетот Sapienza во Рим. Авторите откриле два дела од мозокот, кои кога се оштетени, водат кон зголемување на чувството на духовност во човекот. Авторите на студијата дека нивните наоди ја поддржале врската помеѓу мистичните искуства и чувства на одделување од телото.
Истражувањето било спроведено на 88 пациенти со тумори на мозокот во различни фази на болеста. Сите учествувале во одговарање на прашања по операцијата, а самите прашање имале три главни теми: губење во одреден момент, чувство на поврзаност со луѓето и околуната и верба во натприродна сила.
