Зимата може да биде тешко годишно време за вашите очи, поради студеното, сувиот воздух, силниот ветар и ултравиолетовите зраци кои се одбиваат од снегот и мразот додека сте на зимување...



На очите им е потребно малку подмачкување, а во текот на зимата влажноста се одржува малку потешко. Ова се некои од честите прашања, кои се поврзани со очите и зимата.

Дали леќите се смрзнуваат?

Не. Студеното и сувиот воздух може да доведат до иритација, но леќите нема да се смрзнат и нема да се залепат за очите.

Може ли да се добијат изгореници на очите од сонцето?

Да. Тоа се нарекува „кератитис“. Тешкотиите настануваат кога рожницата е премногу долго изложена на силни ултравиолетови зраци. Во таа прилика може да дојде до поматување на видот и болка во очите, кои може да потраат од 24 до 72 часа. Најчестата причина за кератитис е скијањето без заштитни наочари, дури и кога е облачно. Ултравиолетовите зраци може да бидат уште посилни во текот на зимата, затоа носете заштитни наочари или наочари за сонце.

Зошто очите се насолзуваат кога е ладно?

Очите најчесто се насолзуваат затоа што се сушат. Се што ќе ги иритира вашите очи, предизвикува солзи, дури и во случаите кога ви се суви. Често се случува зиме да ни бидат суви очите, а до нив доаѓа кога сувиот ветар ќе ја исуши влажноста од горниот дел на рожницата. Тогаш жлездите за солзи реагираат и создаваат солзи за да ја надополнат влажноста. Носете заштитни наочари.

Зошто подочниците ми се поголеми зиме?

Не грижете се за тоа. Подочниците ги предизвикуваат малите капилари што се наоѓаат над површината на кожата. Кога оксидира крвта во нив, кожата добива темносина боја. Тоа е често воочливо зиме, бидејќи тогаш кожата станува посветла и повеќе проѕирна поради ретката изложеност на сонцето.