Птиците имат шесто сетило и благодарение на него имаат способност да претчуствуваат пред да дојде бура...



Американските научници ги објавиле овие резултати, проучувајќи го однесувањето на птиците кои избегнале силна бура во Тенеси, која однела најмалку 35 животи.

Научниците работеле на проект со следење на златокрилните сеници со хеолокатори, кога сфатиле дека овие мали птици преселници ги напуштиел своите области за репродукција дури ден-два пред да дојде бурата што предизвикала најмалку 84 смртоносни торнада.

Овие птици најмногу ги има во областа на големите езера и Апалачките планини, каде секое лето се гнездат. Овие птици поминале неверојатни 1.500 километри за пет дена со цел да ја избегнат силната бура, пишуваат авторите на истражувањето во американското списание “Current Biology“.

„Интересно е тоа што птиците ја напуштиле областа многу порано пред доаѓањето на бурата. Во моментот кога метеоролозите се јавуваа дека бурата доаѓа накај нас, птиците веќе го напуштаа ова подрачје“, рекол Хенри Стреби, еколог од калифорнискиот универзитет Беркли.



Според начниците, птиците може да слушнат и инфразвуци со многу ниска фреквенција, кои се шират на големи оддалечености. Тие инфразвуци се резултат од големи метеоролошки промени.

„Метеоролозите и физичарите одамна знаат дека бурата што создава торнада, емитува силни инфразвуци, кои патуваат илјадници километри со фреквенции на кои птиците се најчувствителни“, додава екологот Стреби.

Благодарение на шестото сетило птиците се способни да го преживеат глобалното затоплување, кое на Земјата постојано и приредува бури и торнада.