Најновите истражувања на НАСА го имаат најдоброто решение за скапите експедиции на Марс...



Со овој метод значително ќе се намалат трошоците за овој потфат. Се работи за ставање на астронаутите во состојба на „длабок сон“ со цел да се намалат сите функции на метаболизмот. Оваа состојба е позната како состојба на тромост и настапува во случаи на хипотермија и смрзнување.

„Протоколите за предизвикување на тераписка хипотермија постојат во главните медицински центри, за да може лекарите подолго време да ги одржуваат своите пациенти во живот, додека не го добијат третманот и лекувањето што им е потребно“, рекол Марк Шафер, инженерот за воздушно-космички простор. Тој вели дека овој метод се употребува во пракса од 2003 година, а во теорија од 1990 година.

„Досега немавме потреба да држиме некого во длабок сон подолго од 7 дена. Но за целите на мисијата на Марс, ќе мораме да се обидеме состојбата на тромост да потрае од 90 до 180 дена, бидејќи толку трае ова патување“, додава Шефер.

Ова откритие ќе се исплати за експедициите на Марс, затоа што астронаутите ќе можат да живеат во помали бродови со доволно количина на вода, храна и облека. Така барањата за мисијата ќе бидат намалени од 400 на 220 тони, што е од големо значење за иднината на истражувањето во вселената.