Постои голема опасност слоновите да исчезнат целосно од нашата планета во наредните 10 години поради лов и убивање...



Во Америка и Кина владее нелегалната трговија со слонови коски и затоа се убиваат слонови. Збунувачките закони се причина зошто властите не можат да им застанат на патот на ловците и трговците.

Алармантен е податокот што во 1980 година во светот постоеле околу 1.2 милиони слонови, а во 2012 година вкупниот број на нивната популација изнесувал 420.000. Затоа ОН уште од 1989 година забраниле трговија со слонови. Меѓутоа, до крајот на 90-те години сите заборавиле на забраната, па така продажбата во 1999, 2002 и 2008 година пораснала, поради што дошло до значително зголемување на пазарната цена, а со самото тоа и побарувачката.



Службата за заштита на дивите животни во Америка истакнала дека полицијата во текот на 2012 година само во Њујорк конфискувала слонови коски во вредност од 2 милиони долари.

Во централна Африка бројот на овие животни од 2002 - 2013 година паднал за 65%, додека во Танзанија од 2009 - 2013 година опаднал за 66%, а секоја година се крадат и убиваат околу 35.000 слонови.