Алхемичарите безуспешно се обидувале да создадат сусптанца способна да го претвори металот во злато...
Човекот со векови е во потрага по еликсирот на животот. Можеби сето тоа постои, но тие барале на погрешно место. Можеби решението не се наоѓа на копно, туку во морето. Во проморскиот град Ширахама, Јапонија, еден човек тврди дека тајната на вечниот живот се крие во медузите.
„Тие не умираат, тие се подмладуваат и овој вид е еден од три во Јапонија, кои се сметаат за бесмртни“, вели професорот Шин Кубота.
Виолетовите медузи имаат способност за регенерација и овој научник верува дека во нив може да се открие тајната за вечноста или барем подолг живот. Наводно, повредената медуза се враќа на дното на океанот, каде се враќа во фаза на доенче, позната како полип. Тогаш полипот повторно расте и станува новата возрасна медуза.
Научникот досега успеал 12 пати да го изврши овој циклус и неговата цел е да ја истражи генетиката и да се обиде да открие дали таа е применлива и кај човечкиот вид.
