Кога ставаме салата за јадење, сигурно не размислуваме кога сме гладни дали растението некогаш било живо битие...



Ова е многу интересно, затоа што докажано е дека растенијата имаат одреден вид на сетило за слух, но и дека билките „плачат“.

Истражувачите од Универзитетот во Мисури откриле дека растенијата, не само што чувствуваат кога некој се обидува да ги набере или пасе, туку се обидуваат и да се одбранат. Растителниот свет може да слушне и да разликува звуци од својата околина, може да препознаат и разликуваат ветар од шумот што го прави гасеницата, која грицка лисја од другото соседно растение.

Тврдењето дека „растенијата плачат додека ги јадеме“ не е никаква измислица, туку тие навистина испуштаат одбрамбени сокови, додека другите организми ги јадат. Во прашање е одреден вид на горчливо масло, кое го менува вкусот на билката во тој момент, со што му станува одбивна на предаторот.

Со помош на рефлектирачка хартија и ласер научниците успеале да ги измерат реакциите на билките од нападот на гасеницата и ги споредиле со реакциите на билките, кои не биле ничиј оброк.