Постоеле различни големини и облици на диносауруси, а палеонтолозите откриваат дека нивниот еволуциски успех немал врска со нивната големина, напротив...



Еволуцискиот успех на диносаурусите е благодарение на нивните способности да се смалуваат се повеќе, а вистински пример за тоа се птиците.

Откако прв пат се појавиле на Земјата пред 220 милиони години, диносаурусите брзо се рашириле низ цел свет во голем број на облици и големини. Како што се развивале нивните видови, така почнал да се намалува и нивниот раст и гигантските пропорции.

Истражувањето на научниците покажало дека големината на телата на диносаурусите многу брзо се менувала и дека најголемата еволуција се случила само со перјестите диносауруси, кои подоцна се развиле во птици.

Врз основа на ова, Роџер Бенсон, водачот на истражувањето, тврди дека диносаурусите не се мртви, туку и ден денес се живи, но еволуирале во 10.000 видови, кои и ден денес живеат на Земјата во облик на птици.

Малата големина на телото била клуч за одржување на еволуцискиот потенцијал кај птиците. Тоа им дало разновидност и флексибилност, која им недостигала на огромните диносауруси, кои со текот на времето пропаѓале и останувале заробени во специфични еколошки услови.