И покрај релативно малиот мозок, козите се способни брзо да научат и да ги запамтат сложените задачи...



Истражувачите направиле експеримент со помало стадо кози во Кент, Англија и го објавиле во списанието „Frontiers in Zoology“.

Животните се дресирани за да ја вадат храната од кутијата, така што најпрво со усните ја повлекуваат рачката, а потоа ја подигнуваат за да добијат „награда“. Девет од вкупно 12 кози успеале да ја совладаат задачата со најмногу 12 обиди.

На козите главно им биле потребни 2 минути за да се сетат како да дојдат до храна. Овие резултати би можеле да објаснат зошто козите лесно се навикнуваат на тешки услови во природата и како доаѓаат до храна.