Доктор Каспар Едимен работи на проучување на смеењето кај бебето, а во ова најголемо истражување од овој вид учествувале илјадници семејства од цел свет...



Почетните истражувања покажале дека во првите месеци од животот момчињата повеќе се смеат (50 пати дневно) од девојчињата(37 пати дневно).

„Разбирањето на бебињата ни помага да го разбереме и светот на возрасните. Бебињата се мали научници. Тие го откриваат светот и преку нив и ние откриваме голем дел од светот исто така“, вели Едимен.

Интересно е тоа што повеќето родители инстинктивно играат игри бидејќи бебињата поседуваат чудна моќ, што ги тераат возрасните да се однесуваат будалесто, а на крај сите да имаат корист од тоа.

Во првите години од животот, смеењето и солзите се единствениот начин на кој бебињата комуницираат.

Плачењето е знак дека бебето сака да промени нешто, додека насмевката или смеењето го значат спротивното - продолжи да го правиш она што го правиш.

Иако истражувањето не е завршено, се покажува дека бебињата реагираат и на скокоткање, што е сосема спротивно на досегашното уверувањет дека дури кога малку ќе пораснат бебињата сакаат „гили-гили“.